Zivellanın sorğusu göstərdi ki, şirkət sahibləri, üst səviyyəli rəhbərlər vəofis işçiləriöz ofislərinəqayıtmaq istəyirlər. İştirakçılar vurğuladılar ki, ofislərdəvəofis mebellərindətəmizlik/gigiyena protokollarının həyata keçirilməsi prioritet məsələdir.

Ofislər, yeni nəsil iş yerləri və məkanlar üçün insan yönümlü dizaynlar həyata keçirən Zivella, normallaşma və iş üslubları və mühitlərindəki gözləntiləri ortaya çıxarmaq məqsədi ilə bir sorğu keçirdi. Mayın 13-dən 20-dək aparılan araşdırmada 32,7%-i şirkət sahibləri, 14,8%-i üst səviyyəli menecerlər və 52,5%-i ofis işçisi olmaqla 554 nəfər iştirak edib.

Sorğu ilə bağlı fikirlərini bölüşən  Zivella İdarə Heyətinin sədri Abdurrahman Uzun,  “Koronavirus iş tərzimizi çox tez dəyişdi. Uzaqdan işləmə yeni bir seçim olaraq ortaya çıxdı. 'Ofislər evlərə köçürüləcək?' sualı hamının gündəmində idi. Ofis mebeli sektorunda istehsalla məşğul olan bir şirkət olaraq işçilərin ofis həyatından gözləntilərini öyrənmək istədik”.  O, sözlərini belə davam etdirib: “Mayın ortalarında apardığımız sorğu göstərdi ki, məşhur inancın əksinə olaraq, “hər zaman evdən işləmək istəyən”lərin nisbəti 7 % olaraq qalıb. Mədəniyyətimizə görə biz birlikdə istehsal etməyi sevən bir cəmiyyətik. Ona görə də yeni dövrdə ofislərdə işlər başlayacaq. Sorğu araşdırmamız da bu vəziyyəti təsdiqləyir. Şirkətlərin işçilərinin həssas nöqtələrinə diqqət yetirmələri yalnız faydalıdır. Düşünürəm ki, sorğumuz bu baxımdan da bələdçi olacaq”.

İş Tərzi Dəyişdi

Koronavirusla iş tərzinin dəyişdiyini  deyən iştirakçıların 44,2 %-i evdən, 26,5%-i ofisdə, növbəli və ya məhdud saatlarla işləməyə başladıqlarını paylaşıb. 18,4% dəyişiklik olmadığını, 7,2% isə ofislərinin bağlı olduğunu bildirib.

Ofislərdə edilən dəyişikliklərdə  ilk 3 yerdə hər yerə dezinfeksiyaedici qoyulması (67,%), sosial məsafə nişanlarının qoyulması (36,5%) və masaların seyrək yerləşdirilməsi (33,4 %) olub. 14,4% nisbətində heç bir araşdırma aparılmadığı paylaşıldı.

Evdə Olanlar İstifadə Edildi

Anket daxilində evdən işləyənlərin 84,5%i evdə olan  mebeldən istifadə  etdiyini ifadə etdi . Özlərinə iş sahəsi yaradaraq, iş masası və kreslosu alanların nisbəti 4,9%, yalnız iş kreslosu alanların nisbəti isə 1,6% olub.

Ofis vəya Hibrid

Normallaşmadan sonra iştirakçıların 48,7%-i  ofislərdə işləməyə davam etmək  istədiklərini ifadə etdi . Hibrid (Yarı Ev Yarı Ofis) iş modelini istəyənlərin nisbəti  43,9%, evdən işləmək istəyənlərin nisbəti isə 7,4% oldu.

Ofislərdə Dəyişikliklərə Ehtiyac Yoxdur

İştirakçılardan ofislərində normallaşma ilə  dəyişiklik  etmək istəyib-istəmədiklərini soruşduqda 52% “yox” cavabını verib.

Ofislərdə dəyişiklik etmək istəyən  iştirakçılar maskaların, əlcəklərin, əl dezinfeksiyaedici vasitələrin hər zaman əlçatan olması (70,2%), ətraflı təmizlik protokollarının həyata keçirilməsi (67%) və fiziki məsafənin artırılması üçün tədbirlər (54%) təkliflərinə üstünlük veriblər. 

Ofislərin qapalı ofislərəvə  daha çox təcrid olunmuş mühitlərə çevrilməsinin danışıldığı bu günlərdə iştirakçıların 71,8%-i açıq ofislərin qapalı ofislərə çevrilməyəcəyini düşündüyünü bildirib.

Ofis mebelinin  dəyişmə ehtimalının olmadığını deyənlər çoxluq təşkil edib (72,6%). Ofis mebellərini dəyişmək istəyənlər dəyişikliyi xüsusilə aşağıdakı mövzularda müdafiə etdilər:

• Mebelin asan dezinfeksiya edilməsi (70,2%)
• Təbiətə və insana hörmətlə yanaşan istehsal (64,9%)
• Antibakterial parçalardan istifadə (58,9%)
• Dar məkanlar üçün xüsusi dizaynların hazırlanması (52,3%)
• Gigiyenanı dəstəkləyən boya-örtük və s. materiallardan istifadə (51,7%)

Sorğu/metodologiya haqqında:  Google formaları vasitəsilə onlayn şəkildə aparılan araşdırma 13-20 may 2020-ci il tarixləri arasında 554 nəfərin iştirakı ilə həyata keçirilib. Ən çox 20-49 yaş arası şirkət sahibləri, üst səviyyəli rəhbərlər və ofis işçilərinin qatıldığı sorğuya İstanbul, Ankara, Rize, Bursa, Samsun, Adana, Uşak və İzmir başda olmaqla 41 şəhər qatılıb. 62,5% kişi və 37,5% qadın iştirakçının daxil olduğu sorğuda araşdırılan sektorlar arasında tikinti, səhiyyə, məsləhət, tekstil, qida, təhsil, informasiya texnologiyaları və memarlıq birinci yerdədir.